एन प्याबसन जनकपुरले भोली बिद्यालयहरुमा बिबिध कार्यक्रम गरी तुलसी पूजन मनाउने

९ पुष, जनकपुरधाम । एन प्याबसन जनकपुरधामले भोली संस्थागत बिद्यालयहरुमा बिबिध कार्यक्रमको आयोजना गरी तुलसी पुजन कार्यक्रम गर्न आग्रह गरेको छ ।

हरेक बर्ष क्रिसमस दिवसको दिन तुलसी पूजन दिवस समेत रहेको हुँदा प्रत्येक हिन्दुहरुले आफ्नो परम्परा जोगाईराख्न यस दिनलाई तुलसीको पूजा गरी मनाउन एन प्याबसनले आग्रह गरेको हो ।

यता यसै अवसरमा हिन्दु सम्राट सेनाले समेत बिभिन्न जिल्लाहरुमा प्रमुख जिल्ला अधिकारी मार्फत तुलसी पुजन दिवस मनाउन आग्रह गरेका छन ।

यस सन्दर्भमा एन प्याबसन जनकपुर नगर अध्यक्ष दिपक ठाकुरले तुलसी आयुर्वेद औषधि समेत रहेकाले र यो धार्मिक प्रत्येक अनुष्ठानमा प्रयोग हुँदै आईरहेकाले यसको संरक्षणका लागि प्रत्येकले तुलसी पुजन गर्न आवश्यक छ र यसका लागि बालबालिकामा पनि सकारात्मक संदेश प्रवाहका लागि प्रत्येक बिद्यालयललाई श्रद्धा पुर्वक यो दिवस मनाउन आग्रह गरिएको बताए ।

सन २०१४ बाट साधु सन्त र सनातनी हिन्दुधर्माबलम्बीहरुले यस दिन श्रद्धा पुर्वक तुलसी पुजन दिवस मनाउँदै आएका छन ।