२५ कातिक, जनकपुरधाम । तिहारको बेला सबैलाई आ आफ्नो घरमा सरसफाई गर्न भ्याई न भ्याई हुन्छ तर जनकपुरधाम वडा नंं. ७ का वडाध्यक्ष निरज साह वडावासीको टोल टोल देखि मुख्य सडक सरसरफाई गराउनमा ब्यस्त देखिन्छन ।
बिहानै देखि आफ्नो वडाका टोल टोलमा आफै पुगेर सरसफाई गराउनमा ब्यस्त भेटिन्छन । उनी बिहानदेखि बेल्काको १२ बजे राती सम्म आफै पुगेर भए पनि अहोरात्र खट्दै सरसफाईलाई निरन्तरता दिईरहेका छन । उनले दिपावली र छठ पर्वलाई ध्यानमा राख्दै एक हप्ता अघि देखि नै वडाका सम्पुर्ण टोलका मुख्य सडक सहित गल्ली गल्लीमा सफाईकर्मी पठाएर सरसफाई गराएका छन । त्यस्तै पोल पोलमा बल्ब र लाईटहरु जडान गराएर टोललाई झिलीमिली पारेका छन ।
उनले यसअघि तालिका नै जारी गरी वडाका बिभिन्न टोलमा सफाईको गाडी पुग्ने दिन र समय तोकी सरसफाईलाई निरन्तरता दिदै आएका छन ।
तर उनले सरसफाईकै क्रममा एउटा गुनासो समेत पोखेका छन । उनले भने – म सरसफाई गराएर जान्छु । जहाँ डम्पिङ यार्ड जस्तो फोहरको थुप्रो हुन्छ । त्यहाँ फोहर नफाल्न सबैमा अपिल समेत गर्छु तर उहाँहरु फेरी त्यही स्थानमा फोहर थुपार्नुहून्छ । यसमा टोलवासीले पनि सहयोग गर्नु आवश्यक छ । किनकी म उहाँहरुकै लागि तिहार र छठलाई भन्दै सरसफाई गराउँदै छु । कम्तीमा चाड पर्वका बेला सहयोग त गरिदिनु पर्यो नि?
उनले चाडपर्व अधि आफु निकै ब्यस्त रहेकाले पछि वडाका बिभिन्न स्थानमा थप लाईट जडान गर्ने योजना रहेको करेन्टन्युज सेभन सँगको कुराकानीमा बताए । उनले आफ्नो वडालाई जनकपुर उपमहानगरपालिकाको नमुना वडा बनाउने दावी समेत गरे । शिष्ट र शालिन स्वभावका रुपमा चिनिने वडाध्यक्ष साहले आफु जनताको सेवकका रुपमा रही हरदम जनताको सेवा गर्न तत्पर रहेको बताए ।
उनको कामले वडावासीहरु दङ्ग छन र बिगतका वडाध्यक्षसँग तुलना गर्दै अहिलेको वडाध्यक्षले राम्रो काम गरिरहेको भन्दै खुशी समेत ब्यक्त गरेका छन ।