२३ भदौ, जनकपुरधाम । एन प्याब्सन जनकपुरधामको नगर अध्यक्ष पदमा दिपक ठाकुर निर्विरोध निर्वाचित भए सँगै नयाँ कार्यसमिती चयन भएको छ ।
कार्यसमिति चयनको लागि हिजो दिउँसो ४ः३० बजे सम्मका लागि उम्मेद्बारी दर्ता गर्ने समय तोकिएकोमा ठाकुरको नगर अध्यक्ष पदमा एकल उम्मेद्बारी परेकाले सो पदमा निर्बिरोध निर्वाचित भएका छन ।
त्यस्तै, दिपक ठाकुरको अध्यक्षतामा निर्वाचित नव कार्यसमितीको उपाध्यक्षमा शिवशंकर मिश्र, सचिवमा गौरी शंकर यादव, कोषाध्यक्षमा अर्चना झा चयन भएका छन । यस्तै सदस्यहरुमा रबिशंकर बिक्षा, बिनोद दास र मनोज मौवार सहित ७ सदस्यीय चयन भएको हो ।
मोर्डन नेपाल ईग्लिस मेडियम बोर्डिङ स्कुलका संस्थापक तथा प्रिन्सिपल समेत रहेका ठाकुरले निर्वाचित भएपछि निजी बिद्यालयको हकहितका लागि यस भित्रका बेथितीहरुलाई सुधार गरी संगठन प्रतिको बिश्वास बलियो पार्ने कुरा प्राथमिकतामा रहने बताए ।
उनले नयाँ बिद्यार्थी भर्ना गर्दा IEMIS सहितको TC लिई मात्र भर्ना गर्ने बाताबरण बनाउने, बिद्यालय बर्गीकरण गरी शुल्क निर्धारण गर्न स्थानिय पालिकासँग समन्वय गर्ने, निजी बिद्यालयको लगानी सुरक्षित गर्न जोडदार पहल गर्ने, सामुदायिक बिद्यालयमा नामाँकन भएका कुनै पनि बिद्यार्थीलाई संस्थागत बिद्यालयले पढाउन नपाउने ब्यवस्था गराउने, शैक्षिक क्याल्णेडरलाई कडाईका साथ लागु गर्ने, बिद्यालय स्तरीय अतिरिक्त क्रियाकलाप गरी बिद्यार्थीहरुको गणस्तरीयतामा बृद्धि गर्ने, निजी बिद्यालयको शिक्षकहरुको गुणस्तर बढाउन प्रशिक्षणको ब्यबस्था गर्ने, संगठनलाई सुदृढ गरी गुमेको शाख फर्काउने जस्ता कुरा आफ्नो प्राथमिकतामा रहेको बताए ।
जनकपुरधाम उप महानगरपालिकाका प्रमुख मनोज साहको प्रमुख आतिथ्य र नेपाली काङ्ग्रेस धनुषाका उपाध्यक्ष गणेश झा को बिशिष्ट आतिथ्यमा सम्पन्न भेलाको अध्यक्षता निवर्तमान अध्यक्ष देवनाथ पाण्डेले गरेका थिए ।
शिवराम झा – करेन्टन्युज7 संवाददाता