८ मंसीर, जनकपुरधाम । भोलि आईतबार देखि जनकपुरका निजी बिद्यालय नखोले कारबाही गर्ने जनकपुरधाम उपमहानगरपालिकाले चेतावनी दिएको छ ।
किन आन्दोलित छन निजी बिद्यालयका संघ संघठन?
अनिवार्य तथा निःशुल्क शिक्षा सम्बन्धि ऐन २०७५ को प्रावधान अनुसार संस्थागत बिद्यालयले १० प्रतिशत बिद्यार्थीहरुलाई निःशुल्क छात्रवृतिमा अध्यापन गराउनुपर्ने ब्यबस्था रहेकोमा निजी बिद्यालयहरुले कक्षा ११ र १२ मा छात्रवृति पाएका बिद्यार्थीहरुसँग पालिकाले तोकेको शिर्षक भन्दा बाहिरको शुल्कहरु लिएको जानकारीमा आएपछि पालिकाले त्यस्ता शुल्क नलिन आग्रह गरेको थियो । साथै छात्रवृति पाएका बिद्यार्थीहरुबाट उठाईएका त्यस्ता अनाबश्यक शुल्कहरु फिर्ता गर्न समेत भनेको थियो । तर निजी बिद्यालयका संघ संघठनले पालिकाले तोके बाहिरका अन्य शिर्षकहरुमा शुल्क लिईरहेको र लिन पाउनुपर्ने भन्दै अडान राख्दै आएका छन । निजी बिद्यालयहरुले आगामी बर्षदेखि मात्रै पालिकाको पछिल्लो निर्णयलाई मान्न सकिने र यस बर्ष बिद्यार्थीहरुबाट उठाईएको शुल्क कुनै पनि हालतमा फिर्ता गर्न नसकिने बताउँदै आएका छन । यस बिषयमा पालिकाले निर्णय नसच्याउँदा निजी बिद्यालयका संघ संघठनहरु आन्दोलित भई यही मंसीर ३ गते सोमबारदेखि जनकपुरधाम उपमहानगरपालिका भित्रका सम्पुर्ण संस्थागत बिद्यालय बन्द गरी पठ्न पाठ्न रोकेका छन । बिद्यालय बन्द गर्न पुर्व नै मंसीर २ गते नै पालिकाले बिद्यालय संगठनहरुलाई वार्ताका लागि आह्वान गरेको थियो ।
यसै क्रममा बिहीबारदेखि निजी बिद्यालयका संघ संघठनसँग पालिकाको पटक पटक वार्ता भएको छ तर सो वार्ता कुनै ठोस निश्कर्षमा पुग्न सकेको छैन । तथापि पालिकाले आज एक बिज्ञप्ति जारी गर्दै पटक पटकको वार्त निश्कर्ष बिहिन भएता पनि बिद्यार्थीको शिक्षा प्राप्त गर्न पाउनु संवैधानिक अधिकार रहेकोले भोलि आईतबार देखि बन्द रहेका सम्पुर्ण बिद्यालय सुचारु गर्न आग्रह गरेको छ । साथै, अनिवार्य तथा निःशुल्क शिक्षा सम्बन्धि ऐन २०७५ र ऐनको नियमावली २०७७ बमोजिम निःशुल्क छात्रवृतिको ब्यबस्था कार्यान्वयन नगरे वा बिद्यालय बन्द राखेमा कानुन बमोजिम कारबाही गर्न बाध्य हुने ब्योहोरा जारी बिज्ञप्तिमा उल्लेख छ ।
यता, यसै बिज्ञप्तिको प्रतिउत्तरमा हिसान, प्याबसन, एन प्याबसन, एम प्याबसन र नेपाल प्याबसनले संयुक्त बिज्ञप्ति जारी गरी पालिकाको बिद्यालय नखोले कारबाही गर्ने भनी बिज्ञप्तिमा आफुहरुको ध्यानाकर्षण भएको जनाएको छ । साथै, हाम्रो आन्दोलन जारी रहने र बिद्यालय बन्द यथाबत रहने सो बिज्ञप्तिमा उल्लेख छ ।
यता कक्षा ११ र १२ मा छात्रवृति पाएका बिद्यार्थीहरु त्यस यता दिनहुँ जनकपुरधाममा आफुहरुबाट लिईएको अनाबश्यक शुल्कहरु फिर्ता हुुनुपर्ने माग राख्दै सडक आन्दोलन गर्दै आईरहेका छन ।
हेर्नुहोस बिज्ञप्तिहरु –
