२ मंसीर, जनकपुरधाम । मंसीर ३ अर्थात भोली सोमबारदेखि जनकपुरधाम उपमहानगरपालिका भित्रका सम्पुर्ण संस्थागत बिद्यालयहरु बन्द गरिने भएको छ ।
बिगत केही महिनादेखि छात्रवृतिमा देखिएको समस्याका सम्बन्धमा कातिक २९ पत्र मार्फत मेयर मनोज साहलाई ध्यानाकर्षण गराउँदा समेत पालिकाका मेयर साहले कुनै चासो नलिएपछि संस्थागत बिद्यालयका छाता संगठनहरु हिसान, प्याबसन र एन प्याबसनले भोली सोमबारदेखि अनिश्चितकालका लागि पालिका भित्रका सम्पुर्ण निजी बिद्यालयको पठन पाठन बन्द गर्ने निर्णय गरेको छ ।
उक्त संगठनहरुले मंसीर १ गते नै संयुक्त बिज्ञप्ति जारी गरी कक्षा ११ र १२ का बिद्यार्थीहरुलाई दिईदै आएको छात्रवृति २०८१ भदौ १३ गतेको निर्णयानुसार नै कायम गरिनुपर्ने अन्यथा बिद्यालयहरु अनिश्चितकालका लागि बन्द गर्ने घोषणा गरेको हो ।
यता पालिकाले भदौ १३ गते गरेको निर्णयलाई उल्ट्याउँदै कातिक १४ गतेमा पुन अर्को निर्णय गरेकोमा संगठनले आपत्ति जनाउँदै आएको छ । निजी सँगठनहरुले भर्ना शुल्क, मासिक शुल्क र परीक्षा शुल्क बाहेक अन्य बिभिन्न शुल्कहरु आफुहरुले लिन पाउनुपर्ने माग गर्दै आएको छ । तर कातिक १४ को निर्णयानुसार पालिकाले छात्रवृति पाएका बिद्यार्थीहरुलाई कुनै पनि शुल्क नलिन पत्राचार गरेको थियो । यस सम्बन्धमा संगठनहरुले पाललिकालाई पत्र मार्फत भरतपुर, बिराटनगर, बिरगंज, बुटबल र टोखा स्थानिय निकायहरुको छात्रवृति सम्बन्धमा गरिएको निर्णय बुझी सोही अनुसार आफुहरुको पनि निर्णय सच्याउन जनकपुरधाम उपमहानगरपालिकासँग आग्रह गरेका थिए । तर पालिकाले उनीहरुको आग्रहलाई बेवास्ता गरेको र यस सम्बन्धमा कुनै प्रतिक्रिया नदिएको भन्दै निजी सँगठनहरु आन्दोलित हुँदै मंसीर ३ गतेदेखि सम्पुर्ण निजी बिद्यालयहरु अनिश्चितकालका लागि बन्द गर्ने निर्णय गरेको हो । साथै संगठनलहरुले सो बिज्ञप्ति मार्फत यसबाट बिद्यार्थी तथा अभिभावकमा पर्न जाने असुबिधाका लागि क्षमा समेत मागेको छ ।
हेनुहोस बिज्ञप्ति
