७ माघ, जनकपुरधाम । नेकपा एमालेका अध्यक्ष ओलीको ईशारामा संघियता समाप्त पार्न डा. सिके राउत परिचालित रहेको मधेश सरकारका कृषि राज्यमन्त्री योगेन्द्र राय यादवले आरोप लगाएका छन ।
संघिय सरकारको भौतिक पूर्वाधार तथा यातायात मन्त्री रेणु कुमारी यादवले बलिदानी दिवसको अवसरमा सिके राउतको बिषयमा बोलेको कुरामा सत्यता नरहेको भन्दै खण्डनका लागि गरिएको पत्रकार सम्मेलनमा बोल्दै राज्यमन्त्री यादवले सिके राउत ओलीका एजेन्ट हुन र ओलीकै फन्डबाट राउत संचालित रहेको आरोप समेत लगाएका छन ।
बलिदानी दिवसको अवसरमा माघ ५ गते रौतहटको गौरमा आयोजित एक कार्यक्रममा संघिय मन्त्री यादवले उत्तेजक भाषण दिदै सिके राउतलाई घेरेर मार्ने दिएको अभिव्यक्तिमा कुनै सत्यता नरहेको राज्यमन्त्री यादवले जिकिर गरेका छन ।
मधेशमा आफुहरुको पार्टी स्थापित रहेको र सोलाई परास्त गरेर मधेशमा आफ्नो स्पेश खोज्न र संधियतालाई समाप्त पार्न ओलीको ईशारामा सिके द्धन्द्ध चाहिरहेको आरोप समेत लगाएका छन ।
बलिदानी दिवसको अवसरमा गरिएको कार्यक्रममा सिकेका कार्यकर्ताहरुले आफ्नो एक दर्जन कार्यकर्ताको मोटरसाईकलको भाईजर फुटाई दिएको र मmण्डा समेत जलाएर टकरावको स्थिती पैदा गर्न खोजेको बताएका छन । आफुहरुले सँयमता न अपनाएको खण्डमा त्यही भिडन्तको अवस्था आउन सक्ने भएर आफुहरु उनीहरुले बिरोध गर्ने बाटो समेत चेन्ज गरेको खुलासा गरेका छन ।
सिके राउत आफु लाखौको सुटबुट लगाएर उतर कोरियाको राष्ट्रपति किम जोन जस्तै तानाशाह जस्तो अगाडि पछाडि मान्छे लिएर देखावटी गरेको तर गरीब किसानको पेटमा अन्न छ छैन ? खुटामा चप्पल छ छैन ? कहिल्यै सोधखोज नगरेको आरोप लगाएका छन । बरु आफुले गरीब किसानहरुका लागि बेला बखतमा बिभिन्न कार्यक्रमहरु ल्याएको दाबी गरेका छन ।
किसानहरु आन्दोलन गर्दागर्दै काठमाण्डौको माईतीघरमा कठाँग्रिएर मृत्युवरण गरेको समय सिके कहाँ थियो तर अहिले किसानको मुद्धा उठाएर किसानलाई भिडन्त गराएर २ चार जना शहिद बनाउन खोजेको आरोप लगाएका छन ।
संघिय मन्त्री यादवले बोल्दै नबोलेको कुरालाई पनि एडिटिङ्ग गरी जनतालाई झुक्याएर मिथिलाको नारी यादवलाई सम्मान गर्नुको बदला बिभिन्न किसिमका लान्छना लगाउनु खेदपुर्ण रहेको बताएका छन ।
कृषि राज्यमन्त्रीको पत्रकार सम्मेलनको पुर्ण भिडियो हेर्न तलको फोटोमा क्लिक गर्नुहोस
