२६ मंसीर, जनकपुरधाम । धनुषाको जनकनन्दिनी र बिदेह पालिकामा लैंगिक हिंसा बिरुद्धको १६ दिने अभियान अन्तर्गत सडक नाटक प्रदर्शन गरिएको छ ।
जनकनन्दनी गाउँपालिका वडा नंः ४ को खजुरी बजारको लक्ष्मीनारायण मन्दिरको प्राङ्गण तथा बिदेह नगरपालिकाको वडा नं. ६ स्थित तिनकोरिया बजारमा सो सडक नाटक प्रदर्शन गरिएको हो ।
प्लान इन्टरनेशनल नेपालको सहकार्यमा आसमान नेपाल, SDRC, सामुदायिक परिवार कल्याण संघ (CFWA), Remi र JWAS को संयुक्त आयोजना तथा ईलाका प्रहरी कार्यालयहरुको समन्वयमा जनकनन्दिनी गाउँपालिका र बिदेह नगरपालिकामा छुट्टा छ्ट्टै उक्त सडक नाटक प्रदर्शन गरिएको छ । दाइजो प्रथाले समाजमा पारेको नकारात्मक प्रभाव, घरभित्र दाइजोको कारणले महिलामाथि हुने हिंसा तथा त्यसबाट न्यायका लागि महिलाले अपनाउनुपर्ने प्रक्रिया सहितको सन्देश सहित उक्त सडक नाटक प्रदर्शन गरिएको हो ।
स्थानिय तथा बुद्धिजिवीहरुको बाक्लो उपस्थिति रहेको उक्त कार्यक्रममा समाजसेवी, विभिन्न संघ संस्थाका प्रतिनिधीहरु, स्थानिय निकायका प्रतिनिधी, प्रहरी, महिला, बालबालिका लगायतको सहभागिता रहेको थियो ।
