१५ बैशाख, जनकपुरधाम । सार्वजनिक बित्त ब्यवस्थापनमा नागरिकको सहभागितामा हुनुपर्नेमा वक्ताहरुले जोड दिएका छन ।
मित्र समाज र आँगनको संयुक्त आयोजनामा जनकपुरधाममा भएको छलफल कार्यक्रममा सहभागी वक्ताहरुले कुनै पनि सार्वजनिक बित्त ब्यवस्थापन गर्दा नागरिकको सहभागिता आवश्यक रहेको बताएका छन ।
संघिय, प्रदेश तथा स्थानिय तहले कुनै पनि कार्यक्रमका लागि बजेट ब्यवस्थापन गर्दा नागरिकको आधारभुत आवश्यक्तालाई सम्बोधन गरी बजेट ब्यबस्थापन गर्न नसकेको बताए । सहभागीहरुले बित ब्यवस्थापनका बेला नागरिक भेला गरी सामाजिक तथा आर्थिक विकासलाई आधार बनाएर बित्त ब्यवस्थापन गर्नुपर्नेमा जोड दिएका छन ।
जनकपुर उपमहानगरपालिकाको तथ्याँक प्रस्तुत गर्दै मित्र समाजका बिनोय दिल लामाले अन्य प्रदेशको तुलनामा मधेश प्रदेशको शिक्षा, स्वास्थ्य र रोजगारको अवस्था दयनिय रहेको बताए । उनले यसलाई सुधार गर्न स्थानिय तहको वडा स्तरबाटै बित्त प्रणालीमा सुधार गर्दै नागरिक सहभागिता गराएर सामाजिक तथा आर्थिक बिकासमुखी बजेट ब्यवस्थापन गर्नुपर्नेमा जोड दिए ।
२०७८ सालको जनगणना तथ्यांक अनुसार १४ बर्ष मुनिका बालबालिकाको जनसंख्या घट्दै गएको र १५ बर्ष माथिका काम गर्न सक्ने युवा जनशक्ति पनि बिदेशिनु परेकोले देश समृद्ध हुने तर्फ आशंका रहेको भन्दै सहभागीहरुले चिन्ता समेत ब्यक्त गरेका थिए ।
कार्यक्रममा कर्णाली प्रदेशबाट बाल नमुना संसद अभ्यास शुरु भईसकेको र यसले नागरिकहरुलाई बाल अवस्थाबाट नै देश र समाज प्रति जिम्मेबारी बोध हुने एक सहभागीले बताए ।
मधेश प्रदेशमा शिक्षा, स्वास्थ्यको अवस्था कमजोर रहेको बिदेश जाने क्रम बढ्दो रहेको प्रति सहभागीहरुले चिन्ता ब्यक्त गरेका थिए ।
स्थनीय तहको बित्त ब्यवस्थापनमा त्यस ठाउँको यकिन तथ्यांक अनुसारको कार्यक्रम राख्नुपर्ने र नागरिकको सहभागितामा बित्त ब्यवस्थापन गर्नुपर्नेमा सहभागीहरुले जोड दिए ।
सो छलफल कार्यक्रममा युनिसेफ, स्वास्थ्य निर्दैशनालय, निति आयोग, शिक्षा विकास निर्देशनालय, अर्थ मन्त्रालय, महिला तथा बालबालिका, युवा तथा खेलकुद मन्त्रालय लगायतका प्रतिनिधिहरुको सहभागिता रहेको थियो ।