८ जेष्ठ, जनकपुरधाम । नेतृत्व र निर्णय अन्तर्गतको १८ महिने सिओसी कक्षा आईतबार बाट धनुषामा संचालन भएको छ ।
प्लान ईन्ठरनेशनलको आर्थिक सहयोग र सामुदायिक परिवार कल्याण संघ धनुषाको प्राविधिक सहयोगमा सँचालित परिवर्तनका सँवाहक अर्थात सिओसी अन्र्तगतका १८ महिने कक्षा आईतबारबाट सँचालनमा आएको हो ।
हाल धनुषाको बिदेह र जनकनन्दिनी पालिकाको ४÷४ वडामा सो कक्षा सँचालनमा आएको हो । एउटा केन्द्रमा १० देखि १५ बर्षको बालक समुह, १६ देखि २४ बर्षको युवा समुह, १० देखि १५ बर्षको बालिका समुह र १६ देखि २४ बर्षको युवती समुह गरी कुल ४ वटा कक्षाहरु समेटिएका छन । यसैगरी एउटा पालिकाको ४ वटा वडाको ४ वटा केन्द्रमा गरी कुल १६ वटा कक्षा र अर्को पालिकाको १६ वटा गरी कुल ३२ वटा कक्षा सँचालनमा आएको हो । सो कक्षा तालिम प्राप्त सहजकर्ताद्धारा महिला र पुरुषलाई छुट्टा छुट्टै रुपमा महिला र पुरुष सहजकर्ताले कक्षा सँचालन गरिरहेको छ ।
सिओसी अर्थात चेन्ज अफ च्याम्पियनका नामले पनि बुझ्न सकिने सो कक्षा हप्तामा मात्र एक दिन २ घण्टाको दरले १८ महिनाको प्रत्येक हप्ता सँचालन हुनेछ । कक्षा सँचालनका साथ साथै उनीहरुको बौद्धिक तथा शारिरिक क्षमता अभिबृद्धिका लागि बिभिन्न किसिमका खेलकुदका सामाग्रीहरु समेत प्रदान गरिएको छ ।
यस कक्षाबाट सो उमेर समुहका बालबालिका तथा युवा युवतीमा सामाजिक, शारिरिक, मानसिक, आफुले गर्न सक्ने नेतृत्व र निर्णयमा क्षमता अभिबृद्धि गर्न सहयोग पुग्ने सामुदायिक परिवार कल्याण संघका फिल्ड अधिकृत राजनन्दन यादवले बताए । सो कक्षाका लागि समेटिएको पाठ्यपुस्तकमा स्वास्थ, प्रजनन अधिकार, बिबाहको उमेर लगायत १० बर्षदेखि किशोरकिशोरीहरुको बढ्दो उमेरमा हुने बिभिन्न किसिमका परिवर्तन र तिनले गर्न सक्ने अहम भुमिकाका बिषयमा समेत उल्लेख गरिएको छ ।
यस कार्यक्रमबाट प्रत्येक कक्षामा २५ जनाका दरले ३२ वटा कक्षाका कुल ८०० जना बालबालिका तथा युवायुवती प्रत्यक्ष रुपमा लाभान्वित हुनेछ ।
हाल ई कक्षा धनुषाका २ वटा पालिकामा सँचालनमा रहेता पनि केही महिनाबाटै धनुषाका अन्य पालिका सबैला, शहिदनगर र कमला नगरपालिकामा समेत ई कक्षाहरु सँचालनमा आउने जानकारी दिएका छन ।
आईतबार बाट सँचालनमा आएको सो कार्यक्रमको उद्धघाटन सत्रमा सामुदायिक परिवार कल्याण सँघका डाटा अधिकृत ब्रम्हानन्द ठाकुरको समेत उपस्थििती रहेको थियो । सो कार्यक्रममा अधिकृत ठाकुरले कक्षा सँचालनबाट युवायुवतीमा हुने परिवर्तनका बिषयमा प्रकाश पारेका थिए ।