२५ कातिक, जनकपुरधाम । जनकपुरधाम उपमहानगरपालिका भित्रका संस्थागत विद्यालयका संचालकहरुले अनिश्चितकालका लागि निजी बिद्यालयका पठनपाठन बन्द गर्ने चेतावनी दिएको छ ।
उपमहानगरपालिकाले संस्थागत विद्यालयहरुमा छात्रबृतिमा अध्ययनरत कक्षा ११ र १२ का विद्यार्थीहरुको संदर्भमा छात्रवृति अध्ययन कार्यबिधि २०७४ अनुसार नामांकन शुल्क, मासिक शुल्क र आन्तरिक परिक्षा शुल्क बाहेक अन्य शुल्क लिन सकिने गरि २०८१ भदौ १३ गते निजी बिद्यालयहरुसँग सहमति गरेको थियो, तर पुनः पालिकाले आफैले गरेको सहमतिलाई आफैले उल्ट्याई यही कातिक १४ गते फरक निर्णय गरेको प्रति संस्थागत बिद्यालयका संगठनहरु हिसान, प्याबसन र एनप्याबसनले आपत्ति जनाएको हो । संगठनका अनुसार यो बर्ष भदौकै सहमति अनुसार शुल्क लिन दिईनुपर्ने र आगामी बर्षदेखि मात्रै नयाँ निर्णय लागु गर्न सकिने बिज्ञप्ति मार्फत जनाएको छ ।
सो बिज्ञप्तिमा नेवि संघ संग २०८१ कातिक १४ गते जनकपुरधाम उपमहानगरपालिकाका मेयर मनोज साहले फरक निर्णय गर्नु आफैमा लज्जास्पद रहेको उल्लेख गरिएको छ ।
नेवि संघ संगको दबाबमा २०८१ कातिक १४ गते जनकपुरधाम उपमहानगरपालिकाका ले निर्णय फेर बदल गरेकोले हिसानका धनुषा जिल्ला अध्यक्ष संजिब ठाकुर , एनप्याब्सनका जनकपुरधाम नगर अध्यक्ष दिपक ठाकुर तथा प्याबसनका नगर अध्यक्ष रबिन्द्र चौधरीले कडा आपत्ति जनाउँदै संयुक्त रुपमा सो विज्ञप्ती जारी गरेको हो ।
