२० चैत्र, जनकपुरधाम । काजमा रहेको शिक्षकको तलब भुक्तानी नगरेको भन्दै माध्यमिक बिद्यालय शिक्षक युनियन नेपाल धनुषा शाखाले चरणबद्ध आन्दोलन गर्ने चेतावनी दिएको छ ।
युनियनले जारी गरेको बिज्ञप्तिमा धनुषाको मुखियापट्टी मुसहरनिया गाउँपालिका अन्र्तगत रहेको श्री बैधनाथ देवनारायण जनता नमुना मावि तुल्सियाहीमा कार्यरत शिक्षकहरु अमरनाथ प्रसाद साह, ईन्द्र कुमार झा र त्यस बिद्यालयमा पदाधिकारी रही श्री राष्ट्रिय मावि लक्ष्मीपुरमा काज सरुवा भई गएका शिक्षक अमर नाथ साफीको तलब भत्ता मुखियापट्टी मुसहरनिया गाउँपालिकाले उपलब्ध नगराएको उल्लेख छ ।
साथै, पालिकाले आ. ब. २०७९÷०८० आसार मसान्त सम्म तलब भत्ता उपलब्ध गराएपनि आ.ब. २०८०÷०८१ को तलब भत्ता हालसम्म उपलब्ध नगराएको भन्दै तलब भत्ताका लागि पालिकाका अध्यक्ष जय कुमार यादवले बिभिन्न बहाना बनाई आलटाल गर्दै दुःख दिने काम गरेको जनाईएको छ ।
युनियनले उक्त शिक्षकहरुको तलब यथाशिघ्र भुक्तानी गर्न अनुरोध गर्दै भुक्तानी नगरे चरणबद्ध आन्दोलनमा जाने चेतावनी समेत दिएको छ ।
