१७ पुष, जनकपुरधाम । शिक्षा समितिका कर्मचारीद्धारा निजी बिद्यालयका सँचालकमाथि दुव्र्यवहार गरिएको भन्दै प्याबसन, एनप्याबसन तथा हिसान धनुषाले चरणबद्ध आन्दोलन गर्ने चेतावनी दिएको छ ।
प्याबसन जनकपुर, एनप्याबसन जनकपुर तथा हिसान धनुषाले आज एक संयुक्त बिज्ञप्ति जारी गर्दै भोली बुधबार देखि चरणबद्ध आन्दोलन गर्ने चेतावनी दिएको हो ।
जनकपुरधाम नगरपालिकाका शिक्षा समितिका बरिष्ठ अधिकारी मिहिलाल यादव र अञ्जु पाण्डेले जनकपुरधाममा संचालित हिमाली इंगलिस बोडिगं स्कुलका सञ्चालक दिपेन्द्र साहसँग अभद्र व्यवहार गरेको भन्दै आन्दोलनको चेतावनी दिईएको हो ।
मंगलबार आफ्नो बिद्यालयसँग सम्बन्धित समसामयिक कुरामाथि शिक्षा समितिमा छलफलका लागि पुगेका सँचालक साहलाई सबै बोर्डिङ स्कुल ईलिगल हुन, सबैलाई जेलमा कोच्छु भन्दै अभद्र ब्यबहार गरेको जारी बिज्ञप्तिमा उल्लेख छ ।
साथै, बुधवार मध्यान्ह १२ बजेसम्म दुबै कर्मचारीलाई कारवाही नगरिए चरणवद्ध आन्दोलन गर्ने सो विज्ञप्ति मार्फत जनाईएको छ ।
यस बिषयमा करेन्टन्युज सेभेन सँगको कुराकानीमा मिहिलाल यादबले सबै बोर्डिङ स्कुल ईलिगल हुन भन्ने कुरा नभनेको तर कुराकानी गर्दागर्दै चर्काचर्की भएपछि जेलमा कोच्छु भनी भनेको कुरा स्विकारेका छन । उनका अनुसार संचालक साहको कुरामा आफुले सहमति नजनाउँदा बिबाद बढेको हो ।