२९ मंसीर, जनकपुरधाम । प्रत्येक बर्ष झै यस वर्ष पनि अतिरिक्त क्रियाकलाप अन्तर्गत मोडर्न नेपाल इङ्गलिस मेडियम बोर्डिङ्ग स्कुलले फूड फेस्टिबलको आयोजना गरेको छ ।
स्कुलले समय समयमा आफ्ना बिद्यार्थीहरुको मानसिक, शारिरिक तथा सामाजिक विकासका लागि बिभिन्न कार्यक्रमहरु गर्दै आएका छन । यसै अन्तर्गत प्रत्येक बर्ष झै यस बर्ष पनि आफ्ना स्कुलका बिद्यार्थीहरुलाई ६ वटा समुहमा बिभक्त गरी बर्षै भरी मिथिला क्षेत्रमा मनाइने पर्व र त्यसमा पकाइने परिकार सहित अन्य बिभिन्न किसिमका खानाहरु बनाएर फुड फेस्टिवल प्रतियोगिता सम्पन्न गरेका छन ।
जसमा बिरयानी हाउस, चौठी चान किचेन हाउस, तिलकुट किचेन हाउस, मिथिला भोजन ( जुड शितल बिशेश ) , छठ किचेन हाउस , होलिका किचेन गरि ६ ओटा समूह रहेको थियो। जसमा प्रत्येक समुहमा एक एक टिम लिडर , एक जना शिक्षक टिम मेन्टर गरि प्रत्येक समुहमा कक्षा एक देखि १० सम्मका १५–२० जना रहेको थियो ।
स्कुलका प्रिन्सिपल दिपक ठाकुरले यो आयोजनाले बिद्यार्थीहरुमा पाक शिक्षा तर्फ झुकाब बढ्ने तथा त्यस प्रति पनि रुचि राखेर उनीहरुको सिकाई प्रक्रियामा सकारात्मक प्रभाव पर्ने बताए ।
निर्णायक मण्डलको रुपमा रहेका मधेश प्रदेशका प्रदेश साँसद रामसरोज यादव र जिवनाथ चौधरीले तिलकुट किचेन हाउस प्रथम, मिथिला भोजन ( जुड शितल बिशेष ) दोश्रो , चौठी चान किचेन हाउस र बिरयानी हाउस तश्रो स्थान हासिल गर्न सफल भएको बताए ।
मधेस प्रदेश सांसद रामसरोज यादवको प्रमुख आतिथ्यमा सम्पन्न फुड फेस्टिवलको जनकपुरधाम उप महानगरपालिका का मेयर मनोज साह, मैथिली बिकास कोषका अध्यक्ष जिवनाथ चौधरी , रामानन्द युवा कल्बका निवर्तमान अध्यक्ष मनमोहन साह लगायतले बिभिन्न परिकारको स्वाद चाख्दै अवलोकन गरेका थिए ।