प्रदेश नं. २ स्थित धनुषा जिल्लाको बहुअर्वा जन्मस्थान भई हाल जनकपुरधाम –८ दशरथ नगर बसोबास गर्र्ने युवा अभियानी तथा एस एम स्कुलका संस्थापक दिपक ठाकुर नेपाली काङ्ग्रेसको १४ औ महाधिवेशन अन्तर्गत प्रदेश प्रतिनिधिमा चयन भएका छन ।ठाकुर धनुषाको प्रदेस सभा निर्वाचन क्षेत्र नम्बर ३ (ख) का लागि प्रदेश प्रतिनिधि पदमा चयन भएका हुन ।
पार्टी भित्रका गुट उपगुट भन्दा पृथक पहिचान सहित आफ्ना बुवा रामचन्द्र ठाकुरको लक्ष्यकदममा रहि पार्टीको मुल्य मान्यता, आदर्श र निष्ठाको राजनितीक बाहक शक्तिको रुपमा स्थापित गर्ने उदेश्य सहित आफुले काम गर्ने ठाकुरले बताएका छन । उनले आफुले आफ्नो अभियानको साथै राजनीति यात्रालाई पनि सङ्ग सङ्गै अगाडि बढाउने बताए ।
उनले भने “म राजनिती लाई सेवाको रुपमा लिनेछु , जनता र पार्टी हितको लागि निस्वार्थ भाव सहित कार्य गर्नेछु । पार्टी भित्र रहेका विकृती विसङ्गतीलाई हटाई मुल्य मान्यता र आदर्शको राजनिती स्थापित गर्न मलाई यो पद प्रदान गरिएको हो । त्यसैले नेपाली काङ्ग्रेसमा सबै जातजाती, समुदाय, युवा, महिला, बिद्यार्थी, किसान लगायतको समान सहभागिता गराउने छु। “
दिपकको राजनितिक यात्रा
कुनै बेला राजनिती बाट टाढै बस्न रुचाउने दिपक समाजमा काम गर्दै जाँदा राजनैतिक आश्रय बिना समाजको काम चाहे बमोजिम गर्न नसकिने र पारिवारिक बाताबरण पनि पहिले देखि काङ्रेसमय रहेको हँुदा आफ्नो राजनैतिक यात्रा काङ्ग्रेसबाट शुरु गरेको बताए । निजको बुवा रामचन्द्र ठाकुर शिक्षक संघका धाकड नेताको रुपमा चिनिनुहुन्थ्यो । हरेक लोकतान्त्रिक आन्दोलनमा जेलनेल परेका ठाकुर सर बिमलेन्द्र निधिको नजिक भएर काम गरेका थिए ।
सानै उमेर देखि समाजिक कार्यमा रुचि राख्ने दिपक केहि बर्ष यता आफ्नो टोल सरसफाइ र समाज सेवाको भावना राखी दशरथ नगर टोल सुधार समिति गठन गरि उनकै अध्यक्षतामा विभिन्न सामाजिक कार्यक्रमहरु गर्दै आइरहेका छन । यसरी काम गर्दै जाँदा नेपाली काङ्ग्रेसले बाताबरण बिज्ञको कमिटीमा सदस्य पदमा चयन गरि निजको मनोबल बढाएको छ ।
त्यस्तै, उनले कोरोना महामारीका बेला पनि सहयोगी हात बनेर गरीब, दुखीहरुलाई राहत बाँड्ने काम गरेका थिए । यस्तै, अहिले पनि दिपकलाई समाजले समाजसेवी तथा सरसफाई अभियानीका रुपमा चिन्दछन ।
उनी नेशनल प्याबसन जनकपुरधाम नगर कमिटिका उपाध्यक्ष लगायत अन्य कैयो संघ संस्था सङ्ग आबद्ध रहेका दिपक दशरथ नगर टोल सुधार समितिको अध्यक्ष पनि हुन ।
स्वच्छ स्वभाव भएका दिपक समाज सेवामा समेत समर्पित रहेका छन । सहयोगी भावना र समाजका लागि केही गर्ने दृढ इच्छा शक्ति भएकाले नै उनी समस्यामा परेकालाई यथा सम्भव सहयोग गर्दै आइरहेका छन । उनले स्वच्छ बाताबरण, हरियो बाताबरण, स्वास्थ्य र शिक्षित बाताबरण मेरो परिकल्पना हो बताए। आफ्नो गाउँ क्षेत्र बाहेक बाहिरी जिल्ला र प्रदेशकाहरु लाई समेत सहयोग गरेका उनका निकटतमहरुले बताए।
कोरोना महामारीको विषम परिस्थितिमा समेत आफ्नो ज्यानको प्रवाह नगरी समस्यामा परेकाहरुलाइ उनले सहयोग मात्रै गरेनन् कि अभिभावक गुमाइ सकेका बिद्यार्थीलाई आफ्नै बिधालयको होस्टलमा राखी निःशुल्क पढाइरहेका छन ।
हाल उ राजनितिमा प्रवेश गर्दा पनि अबको राजनितिमा युवा पुस्तालाई अगाडि आउनुपर्नेमा जोड दिएका छन । पाको राजनितिज्ञहरुको सल्लाह सुझाव लिएर अगाडि बढदै अब देश बिकासका लागि राजनितिमा युवाहरुलाई सक्रिय भएर लाग्नुपर्ने उनको भनाई छ ।
– शिवराम झा (गुड्डु)