१६ कातिक, जनकपुरधाम । जनकपुरधामका एक बिद्यालयले आज एक अनौठो कार्यक्रम गरेका छन ।
दिपावलीको अवसरमा बिद्यार्थीहरुमा दिपावलीको महत्व बुझाउन तथा आफ्नो संस्कृतिको बिषयमा जगेर्ना गर्न एसएम बिद्यालयले प्रत्येक बिद्यार्थीबाट एक एक दियो संकलन गरेका छन ।
बिद्यार्थीहरुले आ आफ्नो दियोलाई बिभिन्न रंगमा सजाएर बिद्यालयमा ल्याएका थिए । बिद्यालयले सो दियोलाई लक्ष्मी पूजाको दिन बाल्ने भएका छन ।
अनौठो जस्तो लाग्ने यस क्रियाकलापले बिद्यार्थीहरुमा एक प्रकारको खुशीको लहर छाएको थियो ।
बिद्यालयले यस अघि पनि बिभिन्न किसिमका रोचक कार्यक्रमहरु गर्दै आएका छन । केही दिन अगाडि मात्र बिद्यालयका सँचालक ठाकुरको जन्मदिनको अवसरमा बिद्यालयमा बृक्षारोपण कार्यक्रम गरेका थिए भने बिद्यालयले प्रत्येक शुक्रबार बिभिन्न किसिमका चित्रकला, खाना बनाउने प्रतियोगिता, ड्रेस कम्पिटिसन जस्ता कार्यक्रमहरु समेत गर्दै आएका छन ।
