३ पुष, जनकपुरधाम । धनुषाको बिदेह नगरपालिकाका प्रत्याभुत बालबालिकाहरुलाई स्वास्थ्य सामाग्री बितरण गरिएको छ ।
बाल दिवसको अवसर पारेर प्लान ईन्टरनेशनल नेपालको आर्थिक सहयोग तथा सामुदायिक परिवार कल्याण संघ धनुषाको आयोजनामा सो सामाग्री बितरण गरिएको हो ।
प्लान ईन्टरनेशनलको सहकार्यमा सामुदायिक परिवार कल्याण संघ धनुषाले धनुषाको ५ वटा पालिकामा प्रत्याभुत बालबालिकाहरुको अभिलेख राख्दै आएको छ । सोही अनुरुप बिदेह नगरपालिकाका ९ वटै वडामा रहेका प्रत्याभुत बालबालिका मध्ये करीब २०० जना अतिआवश्यक तथा बिपन्न परिवारका प्रत्याभुत बालबालिकाहरुलाई छनौट गरी सो स्वास्थ सम्बन्धी सामाग्री बितरण गरेको हो ।
बितरण गरिएको सामाग्रीमा टिफिन बक्स थान १, नेल कटर थान १, ब्रस थान १, पेस्ट थान १ र नुहाउने साबुन थान १ रहेको कार्यक्रमका फिल्ड अधिकृत राजनन्दन यादवले बताएका छन । उनका अनुसार जनकनन्दनी पालिकामा पनि केही दिन पछि सोही अनुसार सामाग्री बितरण गरिने छ ।
प्लान ईन्टरनेशनल नेपालको आर्थिक सहयोगमा सामुदायिक परिवार कल्याण संघ धनुषाले स्पोन्सरसिप र लिड एण्ड डिसाईड कार्यक्रम बिगत करीब १ बर्ष देखि सँचालन गरिरहेको छ ।
सो बितरण कार्यक्रमको प्रमुख आतिथ्य ग्रहण गरेका बिदेह नगरपालिकाका उप मेयर आशा झा ले बालबालिकाहरुलाई सो सामाग्री बितरण गर्दै यस्ता कार्यक्रमबाट बालबालिकामा स्वास्थ्य सम्बन्धी चेतनाको बिकास हुने भन्दै आफ्नो धारणा समेत राखेकी थिईन ।
यता कार्यक्रमको उद्धघोषण राजनन्दन यादवले गरेका थिए भने कार्यक्रमका बिषयमा कार्यक्रम संयोजक यमलाल शशांकरले प्रकाश पारेका थिए ।