बचतकर्ताको डेढ करोड रकम लिएर एक सहकारीका संचालक फरार

अहिले सञ्चित रकम पछि कामलाग्ने आशले सहकारीमा रकम बचत गरेका महोत्तरीको बर्दिबासका बचतकर्ता अहिले घरका न घाटका भएका छन् ।

बर्दिवास स्थितपिपुल्स सहयोगी बचत तथा ऋण सहकारी संस्थाको कार्यालय दुई वर्षदेखि सञ्चालक एकाएक सम्पर्कबिहीन भएपछि बचतकर्तामा छटपटी बढेको हो ।

“भोलिको दुःखको साथीहुने आशमा बचत ग¥यौं भन्ने थियो, तर सहकारीको कार्यालय र सञ्चालक भेट्न छाडिएपछि अब छाँगाबाट खसेजस्तै भएको छ” बर्दिबासमा सानो ब्यापार गर्दै त्यसबाट भएको कमाइमा घरखर्च कटौती गरेर बचत गर्दै आउनु भएका रामकुमार श्रेष्ठले भन्नुभयो, “हामी ठगिएछौं , दुई लाख रुपैया बचत फिर्ता पाउनुपर्ने छ, दुई वर्षदेखि आफ्नै रकमखोज्दै हैरान छौं ।”

श्रेष्ठजस्ता सयौं बचतकर्ता अहिले आफ्नो रकमखोजी गरी दिनबर्दिबास सहकारी सञ्जाल, बर्दिबास नगरपालिकाको सहकारी शाखा र अरु बिभिन्न निकायमा दौडी रहेका भेटिन्छन् ।

बर्दिबासमा सञ्चालित पिपुल्स सहयोगी बचत तथा ऋण सहकारी संस्थाको कार्यालय दुई बर्ष देखि बन्द रहेको छ । सञ्चालकबर्दिबास–१ कै बासिन्दा नीरकमल कार्की पनि सम्पर्कमा नभेटिएपछि बचतकर्तामात्र नभएर बचत सङ्कलकर्तापनि अप्ठ्यारोमा परेका हुन् । बितेको २०७६ चैतदेखि संस्था र सञ्चालक सम्पर्कविहीन भएको सोही संस्थामा बचत सङ्कलनकर्ता भएर काम गरेकी जानुका कुमारी तामाङ् बताउनुहुन्छ ।

“दैनिक बचत रकम सङ्कलनगर्न त हामी सङ्कलक पुग्थ्यौं” तामाङ्ले आपूmसहितका सङ्कलकको पीडा फुकाउँदै भन्नुभयो, “त्यसैले बचतकर्ताको पहिलो भनाइको चोट हामीले खेप्नु पर्छ ।” आफूले सङ्कलन गरेको नै करिब ५० लाख रुपैयाँ बचत फिर्ता दिनबाँकी रहेको तामाङ्को भनाइ छ ।

पछिल्लो पटक संस्था र सञ्चालकदुबै नभेटेपछि बचतकर्ता हारगुहार माग्दै बर्दिबास नगर कार्यपालिकाको कार्यालय र बर्दिबास सहकारी सञ्जाल पुगेपछि यो घटना सार्वजनिक भएको हो । पिपुल्स सहयोगी बचत तथा ऋण सहकारी संस्थाले २०७४ देखि कारोबार शुरु गरेर २०७६ चैतदेखि सम्पर्क तोडेको बचतकर्ता र बचत सङ्कलक बताउँछन् ।

नगर कार्यपालिकाको कार्यालयको सहकारी शाखा र बर्दिबास सहकारी सञ्जालदुबैले समन्वयको प्रयत्न गरेपनि संस्था सञ्चालक कार्की बचतकर्ताको रकमदिनआनाकानी गरी रहेका छन् । “बचतकर्ता र बचत सङ्कलकको गुनासो बुझ्न सञ्चालककार्कीसँग सम्पर्क गरियो” बर्दिबास सहकारी सञ्जालकाअध्यक्ष शङ्कर श्रेष्ठले भन्नुभयो, “उहाँले पटकपटक बचतकर्ताको रकमफिर्ता गर्ने प्रतिवद्धता जनाएर पनिफिर्ताभने गर्नु भएन ।” पिपुल्स सहयोगी बचत तथा ऋण सहकारी संस्था सञ्जालमा आवद्ध नभएको र आफ्नो संस्थान्यायिक निरुपण गर्ने नभएको हुँदा नगरपालिका कार्यालय जान बचतकर्तालाई सुझाएको श्रेष्ठको भनाइ छ ।

नगर कार्यपालिका कार्यालयको सामाजिक विकास शाखाले दुई÷तीन पटक सञ्चालक कार्कीलाई खोजेर समन्वयात्मक छलफल चलाएपनि समाधान भने नभएको सो शाखाकी समन्वयकर्ता प्रेमाकार्की बताउनुहुन्छ । “हामीसँगको छलफलमा सञ्चालक कार्कीले बचतकर्ताको रकमदिनपर्ने स्वीकार त गर्नुभयो” प्रेमाले भन्नुभयो, “तर रकमफिर्ता गर्न उहाँले लिनुभएको समय बराबर फेल भए ।” बचतकर्ताको रकम कार्यालयबाट गोलमाल भएको स्वीकार्ने सञ्चालक कार्कीले सो रकमफिर्ता गर्न सहमति जनाएपनि रकमको जोहो हुन नसकेको भन्दै समय लम्ब्याउने गरेका प्रेमा बताउनुहुन्छ ।

आफ्नो पासबुकसहित काकागजात सबै संस्थाको कार्यालयमा बुझाएको र अबआफूहरुसँग कुनै प्रमाण नरहेको हुँदा बचतकर्ताहरु बचत फिर्ता पाउनेमा अन्योलमा छन् ।

यसैबीच नगर कार्यपालिकाको कार्यालयको सामाजिक विकास शाखाले संस्था सञ्चालक कार्कीलाई तीनदिनभित्र बचतकर्ताको सबै हरहिसाव पेश गरेर रकमफिर्ता नगरे कार्वाहीका लागि स्थानीय प्रशासन र प्रहरी कार्यालयमा अनुरोध गरिने जनाएको छ । संस्थाले हरहिसाब नै नदेखाएपछि कति रकर्म िफर्ता गर्नुपर्ने यकिन नभएपनि बचतकर्ता र सङ्कलकहरुको भनाइबाट एक करोड ५० लाखभन्दा बढी बचतकर्ताको रकम हिनामिना भएको अनुमानगरिएको शाखाले जनाएको छ ।