५ फाल्गुण, जनकपुरधाम । जनकपुरधाम उपमहानगरपालिकाले वडाभित्र संचालित बिद्यालयहरुको तथ्यांक संकलनका लागि वडाहरुलाई पत्राचार गरेको छ ।
पालिकाले फाल्गुन ४ गते पालिका भित्रका सम्पुर्ण वडालाई पत्राचार गरी वडाभित्र के कति संख्यामा निजी बिद्यालयहरु छन ? सोको जानकारी गराउन ३ दिनको समय तोकी पत्राचार गर्दै ताकेता गरेको छ ।
तोकता गरिएको पत्रमा निजी बिद्यालयहरुको स्थलगत निरीक्षण गरी अनुमति लिए नलिएको यकिन गरी कति कक्षासम्मको अनुमति हो, सो समेत खुलाई बिवरण लिन र ३ दिन भित्र पालिकामा बुझाउन आग्रह गरेको छ ।
यस अघि पनि पालिकाले पुष २ गते नै पालिका भित्रका सम्पुर्ण वडालाई पत्राचार गरी वडाभित्र के कति संख्यामा निजी बिद्यालयहरु छन ? सोको जानकारी गराउन ७ दिनको समय तोकी पत्राचार गरेको थियो । तर वडाध्यक्षहरुले पालिकाको पत्रको आग्रहलाई बेवास्ता गर्दै अटेरी गरेपछि पालिकाले पुनः पत्राचार गरी ताकेता गरेको हो ।
