सामुदायिक परिवार कल्याण संघको २५ औ साधारण सभा सम्पन्न

१५ असोज, जनकपुरधाम । सामुदायिक परिवार कल्याण संघको २५ औ साधारण सभा सम्पन्न भएको छ ।

धनुषाको नगराईन नगरपालिका वडा नंं. ७ देवडिहामा संघका अध्यक्ष महेन्द्र प्रसाद यादवको अध्यक्षता तथा नगराईन नगरपालिकाका मेयर तथा यस संस्थाका पुर्व कोषाध्यक्ष बिजय कुमार यादबको प्रमुख आतिथ्यमा सो सभा सम्पन्न भएको छ ।

यस संस्थाले हाल प्लान ईन्टरनेशनलको सहकार्यमा धनुषाका बिदेह, कमला, जनकनन्दीनी, सबैला र शहिदनगर नगरपालिकामा स्पोन्सरसिप र सशक्त बालिका परियोजना संचालन गर्दै आईरहेको छ भने नगराईन नगरपालिकाको सहयोगमा बैदेशिक रोजगारीमा जान सक्ने सम्भावित कामदारहरुको लागि अभिमुखिकरण कार्यक्रम पनि सम्पन्न गरेको छ । त्यस्तै, सुस्त श्रवण संघको सहयोगमा श्रवण यन्त्र बितरण कार्यक्रम संचालन गर्दै आईरहेको छ ।

यस संस्थाले आर्थिक बर्ष २०८०÷०८१ मा एक करोड चौवालिस लाख सन्तानवे हजार तिनसय सात रुपैयाको कार्यक्रम संचालन गरेको संस्थाका सचिव राम प्रसाद मण्डलले बार्षिक प्रतिवेदन प्रस्तुत गर्ने क्रममा बताएका छन ।

कार्यक्रमको उद्धघोषण संस्थाका कोषाध्यक्ष सुभाष चन्द्र झा ले गरेका थिए भने स्वागत मन्तव्य मुकुन्द ठाकुरले राखेका थिए । त्यस्तै, कार्यक्रममा उठेका प्रश्न तथा जिज्ञासाको जवाफ संस्थाका कार्यकारी निर्देशक लक्ष्मेश्वर मण्डलले दिएका थिए । हाल यस संस्थामा ७३ जना सदस्य रहेको छ ।

सो सभामा संंस्थाका पूर्व अध्यक्षहरु परमेश्वर यादव, सुर्य नारायण साह, रामेश्वर राय, सत्य नारायण झा, ईश्वरी प्रसाद शर्मा, संस्थापक अध्यक्ष राम प्रसाद यादव, पुर्व कार्यकारी निर्देशक मिथिलेस साह, स्थानीय प्रहरी चौकीका ईन्चार्ज प्रबिण कुमार राय, प्रधानाध्यापक प्रेमलाल पासवान, वडा नं. ७ का वडाध्यक्ष लगायतको उपस्थिति रहेको थियो ।