२९ माघ, जनकपुरधाम । एन प्याबसनका जनकपुर नगर कमिटीका अध्यक्षलाई हटाउने निर्णय गरिएको छ ।
कमिटीका उपाध्यक्ष दिपक कुमार ठाकुरको अध्यक्षतामा बसेको एक बैठकबाट देवनाथ पाण्डेलाई अध्यक्ष पदबाट पदमुतm गर्ने भएको छ । नगर कमिटी गठन भएको मिति देखि हालसम्म नगर अध्यक्षले एउटा पनि बैठक गर्न नसकेको भन्दै अध्यक्ष पाण्डेलाई हटाउने निर्णय गरिएको छ । साथै नगर भित्र नगर कमिटीलाई जानकारी नै नगराई आफु खुशी नगर भित्रको क्रियाकलाप संचालन गरेको कारण देखाउदै हटाईएको हो ।
त्यस्तै, उपाध्यक्ष दिपक कुमार ठाकुरको अध्यक्षतामा बसेको अर्को बैठकबाट अध्यक्षमा दिपक कुमार ठाकुर र उपाध्यक्षमा बिनोद दासलाई चयन गरिएको छ ।
यता, जनकपुरधाममा एक बिपन्न परिवारलाई निजी बिद्यालयले आर्थिक सहयोग गरेको छ ।
जनकपुरधाम –७ का स्थायी बासिन्दा राज कुमार सदालाई एसएम स्कुलले सहयोग गरेको हो । सदाको आमा सुनैर देवी सदाको मृत्यु पश्चात सदाले आमाको अन्तिम संस्कार गर्न पनि असमर्थ रहेको र यस अधि पनि कोरोनाबाट सदाको २ छोराको मृत्यु भएको थियो ।
धेरै ठाउँबाट सहयोगको आश्वासन पाएपनि कहीकतैबाट सहयोग उपलब्ध हुन नसकेपछि एस एम नेपाल स्कुलका संचालक दिपक ठाकुरले अन्ति संस्कारका निम्ति तत्कालै १ क्विन्टल चामल र २५०० नगद सहयोग गरेका हुन ।
