🌿🌿🌿🌿!! टिकटके अवस्था !!🌿🌿🌿🌿

🌿🌿🌿🌿!! टिकटके अवस्था !!🌿🌿🌿🌿

हम पाटी अध्यक्ष बनल छी
गुण दोषसँ हम भरल छी
सब पाटीमे देखही पहिने
जातिक पैघ आधार
सुनिले बउवा रौ
नइ केओ सुनतउ
बापक तोहर गोहार !
सबसँ पहिने कनियाँ बेटी
ताइ परसँ शाली सरबेटी
सरहोजनी छइ सुन्दर जकर
तकरे हैतइ जोगार
सुनिले बउवा रौ …………..
काका काकी आएल अगारी
मामा मामी कएल पछारी
अपनेमे होइय गीतगंजन
गारि मारि उपहार
सुनिले बउवा रौ ……………
कार्यकर्ता सब माथ पर चढल
लगुवा भगुवा सेहो बढल
चोरा नुका जकरा घर जाइछी
तकरो करबइ उद्धार
सुनिले बउवा रौ……………..
बोझ बान्हि जे पाई लबइय
भोर साँझ खुब खर्च करइय
सभसँ पहिने ओहे सब अइ
टिकटके हकदार
सुनिले बउवा रौ……………..
किछु मन्त्रीके अइ पिछलगुवा
किछु जातीके मानजन अगुवा
ओकरो बाल बच्चाके करबइ
एमकी बेरापार
सुनिले बउवा रौ…………….
गाम समाजक नइ अइ चिन्ता
पइसा बले सभकेओ चिन्हता
बिना पाई टिकट छउ सपना
हमरो एहे व्यापार
सुनिले बउवा रौ……………..
पाँच बरख सब गारि पढइय
ऐजत फैजत सेहो करइय
एहे समय हमरा लेल उत्सव
बातक करइ विचार
सुनिले बउवा रौ
नइ बनइ तो हमरा लग बुधियार !